Lamin Yamal "Barselona"nın məşqini yarımçıq tərk edib

İspaniya təmsilçisi "Barselona"nın futbolçusu Lamin Yamal səhhətində narahatlıq hiss etdiyi üçün məşq prosesini yarımçıq tərk edib.

"Report" "Sport.es" nəşrinə istinadən xəbər verir ki, tibbi müayinədən sonra 18 yaşlı cinah oyunçusunda ciddi zədə aşkarlanmayıb, əzələsində yüngül gərilmə qeydə alınıb.

Bu səbəbdən onun aprelin 11-də "Espanyol"a qarşı keçiriləcək matçda iştirakı gözlənilir.

Qeyd edək ki, Lamin Yamal cari mövsümdə bütün turnirlərdə 42 oyunda 21 qol vurub və 16 məhsuldar ötürmə ilə yadda qalıb. Futbolçunun "Barselona" ilə müqaviləsi 2031-ci ilin yayına qədər qüvvədədir.