Koronavirusa yoluxan 23 yaşlı futbolçu komadan ayıldı

Fransanın “Monpelye” klubunun koronavirusa yoluxan futbolçusu Junior Sambiya komadan ayılıb.

“Report” xəbər verir ki, bu barədə 23 yaşlı yarımmüdafiəçisinin agenti Frederik Gerra məlumat verib. Onun sözlərinə görə, Sambiya süni ağciyər ventilyasiya aparatından ayrılsa da, hələ uzun müddət müalicə alacaq.

Qeyd edək ki, Junior Sambiya aprelin 20-də koronavirus əlamətləri ilə xəstəxanaya yerləşdirilib və 4 gün sonra reanimasiya şöbəsinə köçürülüb. O, 2017-ci ildən “Monpelye”də çıxış edir. Ümumilikdə Sambiya bu komandada 66 oyuna 3 qol vurub.