UEFA Konfrans Liqasının qalibi müəyyənləşib

UEFA Konfrans Liqasında 2022/2023 mövsümünə yekun vurulub.

"Report"un məlumatına görə, turnirin final oyununda İtaliyanın "Fiorentina" və İngiltərənin "Vest Hem" klubları üz-üzə gəliblər. Çexiyanın paytaxtı Praqadakı "Eden Arena"da keçirilən görüşdə rəqibinə 2:1 hesabı ilə qalib gələn London təmsilçisi titula sahib çıxıb.

İlk qolu 62-ci dəqiqədə "Vest Hem"dən Səid Benrahma vurub. Əlcəzairli hücumçu penaltini dəqiq yerinə yetirib. Cəmi 5 dəqiqə sonra "Fiorentina" tarazlığı bərpa edib. Cakomo Bonaventura hesabı bərabərləşdirib. Son nöqtəni isə 90-cı dəqiqədə Carrod Bouen qoyub.

UEFA Konfrans Liqası
Final
7 iyun
23:00. "Fiorentina" (İtaliya) - "Vest Hem" (İngiltərə) - 1:2
Qollar: Cakomo Bonaventura, 67 - Səid Benrahma, 62 (penalti). Carrod Bouen, 90
Baş hakim: Karlos Del Serro (İspaniya)
Praqa, "Eden Arena"

Qeyd edək ki, Konfrans Liqasının ilk qalibi İtaliya "Roma"sı olub.

Çexiyanın paytaxtı Praqada İtaliyanın "Fiorentina" və İngiltərənin "Vest Hem" komandaları arasında keçirilən UEFA Konfrans Liqasının final oyununda hesab dəyişib.

"Report"un məlumatına görə, 90-cı dəqiqədə Carrod Bouen yenidən londonluları önə çıxarıb - 2:1.

Çexiyanın paytaxtı Praqada İtaliyanın "Fiorentina" və İngiltərənin "Vest Hem" komandaları arasında keçirilən UEFA Konfrans Liqasının final oyununda hesab bərabərləşib.

"Report"un məlumatına görə, 67-ci dəqiqədə Florensiya təmsilçisindən Cakomo Bonaventura tarazlığı bərpa edib 1:1.

Çexiyanın paytaxtı Praqada İtaliyanın "Fiorentina" və İngiltərənin "Vest Hem" komandaları arasında keçirilən UEFA Konfrans Liqasının final oyununda hesab açılıb.

"Report"un məlumatına görə, 62-ci dəqiqədə penaltini dəqiq yerinə yetirən Səid Benrahma London təmsilçisini önə keçirib.

Çexiyanın paytaxtı Praqada İtaliyanın "Fiorentina" və İngiltərənin "Vest Hem" komandaları arasında keçirilən UEFA Konfrans Liqasının final oyununda ikinci hissə başlayıb.

"Report"un məlumatına görə, ilk yarıdan sonra qarşılaşmada hesab açılmayıb.

Çexiyanın paytaxtı Praqada İtaliyanın "Fiorentina" və İngiltərənin "Vest Hem" komandaları arasında keçirilən UEFA Konfrans Liqasının final oyununda ilk hissə başa çatıb.

"Report"un məlumatına görə, komandalar fasiləyə qolsuz bərabərliklə yollanıblar.

İtaliyanın "Fiorentina" və İngiltərənin "Vest Hem" komandaları arasında UEFA Konfrans Liqasının final oyunu başlayıb.

"Report"un məlumatına görə, Çexiyanın paytaxtı Praqadakı "Eden Arena"da keçirilən qarşılaşma Bakı vaxtı ilə saat 23:00-da start götürüb.

Qarşılaşmanı ispaniyalı FIFA referisi Karlos Del Serro idarə edir.

Bu gün Konfrans Liqasının final oyununda üz-üzə gələcək İtaliyanın "Fiorentina" və İngiltərənin "Vest Hem" klublarının start heyətləri açıqlanıb.

"Report" UEFA-nın rəsmi saytına istinadən xəbər verir ki, komandalar meydana aşağıdakı "11-lik"lərlə çıxacaqlar:

"Fiorentina": 1. Pyetro Terraççano, 2. Dodo, 3. Kristiano Biragi, 4. Nikola Milenkoviç, 5. Cakomo Bonaventura, 7. Luka Yoviç, 16. Luka Ranyeri, 22. Nikolas Qonsales, 34. Sofyan Amrabat, 38. Rolando Mandraqora, 99. Kristian Kouame
Baş məşqçi: Vinçentso İtaliano

"Vest Hem": 13. Alfons Areola, 4. Kurt Zuma, 5. Vladimir Tsoufal, 9. Maykl Antonio, 11. Lukas Paketa, 20. Carrod Bouen, 22. Səid Benrahma, 27. Nayef Aquerd, 28. Tomaş Souçek, 33. Emerson, 41. Deklan Rays
Baş məşqçi: Devid Moyes

Qeyd edək ki, Çexiyanın paytaxtı Praqadakı "Eden Arena"da keçiriləcək qarşılaşma Bakı vaxtı ilə saat 23:00-da başlayacaq.