"Keşlə" baş məşqçisi ilə bağlı qərar verdi - RƏSMİ

"Keşlə" baş məşqçisi Sənan Qurbanovla yeni müqavilə imzalayacaq.

Bu barədə "Report"a 41 yaşlı mütəxəssisin özü məlumat verib.

O, klubun Müşahidə Şurasının sədri Zaur Axundovla görüşdüyünü və əməkdaşlığı davam etdirməklə bağlı razılığa gəldiklərini bildirib. Qurbanovun sözlərinə görə, yaxın günlərdə 1 illik yeni sözləşməyə imza atacaq.

Qeyd edək ki, Sənan Qurbanov bu ilin yanvarından "Keşlə"yə başçılıq edir. Komanda onun rəhbərliyi altında Azərbaycan Kubokunun qalibi olub.