İsveçli hücumçu Azərbaycan millisi ilə matçda Zlatan İbrahimoviçin göstəricisini təkrarlayıb

İsveç yığmasının futbolçusu Viktor Dyekereş Azərbaycan millisinə qalib gəldikləri UEFA Millətlər Liqası matçında Zlatan İbrahimoviçin göstəricisini təkrarlayıb.

"Report"un məlumatına görə, 26 yaşlı hücumçu buna sözügedən oyunda poker etməklə nail olub.

Hazırda Portuqaliyanın "Sportinq" klubunda çıxış edən forvard 12 ildən sonra İsveç yığmasında bir görüşdə 4 qol vuran ilk oyunçudur.

Qeyd edək ki, Zlatan İbrahimoviç 2012-ci ildə İngiltərə ilə yoldaşlıq qarşılaşmasında 4 dəfə fərqlənib. O, 2004-cü ildə isə DÇ-2006-nın seçmə mərhələsində Malta ilə matçda eyni uğura imza atıb.