İspaniya La Liqasında VAR hakimləri ilə meydandakı referi arasında söhbət açıqlanacaq

İspaniya La Liqasının oyunlarından sonra meydanda olan hakimlərlə VAR-da əyləşənlər arasındakı söhbət ictimaiyyətə təqdim olunacaq.

"Report" yarışın rəsmi saytına istinadən xəbər verir ki, La Liqa rəhbərləri bu barədə İspaniya Kral Futbol Federasiyası ilə razılıq əldə edib.

Bildirilir ki, bu dialoqlar hər turdan sonra dərc ediləcək. Bu təcrübə ilk dəfə yanvarın 14-də sınaqdan keçiriləcək.