İngiltərəli hücumçu UEFA Çempionlar Liqasında həftənin futbolçusu seçilib

İngiltərənin "Arsenal" klubunun hücumçusu Bukayo Saka azarkeşlərin səsverməsinə əsasən Çempionlar Liqasında həftənin ən yaxşı futbolçusu seçilib.

"Report" UEFA-nın mətbuat xidmətinə istinadən xəbər verir ki, o, Liqa mərhələsinin VI turunda "Monako" (Fransa) ilə görüşdə (3:0) 2 qol vurub və 1 assist edib.

Qeyd edək ki, Bukayo Saka cari mövsüm qitənin ən nüfuzlu klub turnirində 5 matçda 4 dəfə rəqib qapılarına yol tapıb.