İngiltərə Premyer Liqası: “Aston Villa” “Nyukasl”ı darmadağın edib

İngiltərə Premyer Liqasının XXXIII turunda “Aston Villa” “Nyukasl”ı darmadağın edib.

“Report” xəbər verir ki, baş hakim Carred Cillettin idarə etdiyi matç “Villa Park”da baş tutub.

“Aston Villa” görüşün ilk dəqiqəsində önə çıxıb. Belə ki, ücumçu Olli Uotkins fərqlənib. 17-ci dəqiqədə “sağsağanlar”ın müdafiəçisi Fabian Şer hesabı bərabərləşdirib.

64-cü dəqiqədə Yan Matsen ev sahiblərini yenidən önə çıxarıb. 73-cü dəqiqədə isə qonaqların oyunçusu Den Börn topu öz qapısına vurub. İki dəqiqə sonra “aslanlar”ın yarımmüdafiəçisi Amadu Onana hesabı 4:1-ə çatdırıb.

Bu qələbədən sonra “Aston Villa” 57 xalla turnir cədvəlində altıncı pilləyə yüksəlib. “Nyukasl” 59 xalla üçüncüdür.