İngiltərə klubunun baş məşqçisi antirekorda imza atıb

İngiltərənin "Everton" klubunun baş məşqçisi Devid Moyes antirekorda imza atıb.

"Report" "Squawka" nəşrinə istinadən xəbər verir ki, bu, komandanın Mersisayd derbisində "Liverpul"a 0:1 hesabı ilə uduzması ilə reallaşıb.

61 yaşlı şotlandiyalı mütəxəssis Premyer Liqada (işlədiyi bütün klublarda) ardıcıl 20 matçda bu rəqibi məğlub edə bilməyib.

O, tarixdə belə nəticə əldə edən ilk baş məşqçidir.

Qeyd edək ki, Devid Moyes İngiltərədə "Preston" (1998-2002), "Everton" (2002-2013), "Mançester Yunayted" (2013-2014), "Sanderlend" (2016-2017) və "Vest Hem"də (2017-2018 və 2019-2024) də işləyib.