Hazırkı heyətlərinə ən çox sərmayə yatıran futbol klublarının adları açıqlanıb - SİYAHI

Beynəlxalq İdman Araşdırmaları Mərkəzi (CİES) hazırkı heyətlərinə ən çox sərmayə yatıran klubların siyahısını dərc edib.

“Report”un qurumun rəsmi saytına istinadən məlumatına görə, ilk “100-lük”də 19 müxtəlif liqanın komandaları qərarlaşıblar.

Cəmi 4 klubun futbolçuları üçün xərclədiyi ümumi məbləğ 1 milyard avroya çatıb. Onlardan üçü İngiltərə Premyer Liqasının təmsilçiləridir. Siyahıya müvafiq olaraq “Mançester Yunayted”, “Çelsi” və “Mançester Siti” başçılıq edirlər.

İlk “100-lüy”ə Türkiyənin də üç klubu düşüb. “Fənərbağça” oyunçularının transferinə 114, “Qalatasaray” 84, “Beşiktaş” isə 54 milyon avro xərc çəkiblər.

İlk “10-luq”:

1. “Mançester Yunayted” (İngiltərə) – 1 milyard 150 milyon avro

2. “Çelsi” (İngiltərə) – 1 milyard 134 milyon

3. “Mançester Siti” (İngiltərə) – 1 milyard 42 milyon

4. PSJ (Fransa) – 1 milyard

5. “Arsenal” (İngiltərə) – 836 milyon

6. “Tottenhem” (İngiltərə) – 829 milyon

7. “Liverpul” (İngiltərə) – 770 milyon

8. “Real” (İspaniya) – 708 milyon

9. “Nyukasl” (İngiltərə) – 661 milyon

10. “Aston Villa” (İngiltərə) – 505 milyon