Halis Kökçü: "Ozan Can Azərbaycanı Avropada təmsil etmək istəyir"

Halis Kökçü: "Ozan Can Azərbaycanı Avropada təmsil etmək istəyir" "Ozan Can Kökçüyə Niderlanddan başqa müxtəlif ölkələrdən təkliflər var idi. Bu isə çox normaldır".
Futbol
370
14 Yanvar , 2021 10:08
Halis Kökçü: Ozan Can Azərbaycanı Avropada təmsil etmək istəyir

"Ozan Can Kökçüyə Niderlanddan başqa müxtəlif ölkələrdən təkliflər var idi. Bu, çox normaldır".

Bu fikirləri "Report"a açıqlamasında Azərbaycan millisinin futbolçusu Ozan Can Kökçünün atası Halis Kökçü futbolçunun Niderlandın "Telstar" klubuna keçməsi ilə bağlı danışarkən deyib.

O bildirib ki, bu transferin gerçəkləşməsində əsas məqsəd 23 yaşlı yarımmüdafiəçinin özünü Avropada göstərməsidir: "Ozan Can Kökçü "Sabah" klubunu və Azərbaycanı Avropada yaxşı şəkildə təmsil etmək istəyir. Onun yaxşı çıxış edəcəyinə inanırıq və futbolçuya uğurlar arzulayırıq".

Qeyd edək ki, "Sabah" Ozan Can Kökçünü mövsümün sonuna qədər "Telstar"a icarəyə verib.

Son xəbərlər

Orphus sistemi