Fransa millisinin futbolçusu dünya çempionatını buraxacaq

Fransa millisinin futbolçusu Bubakar Kamara bu il Qətərdə keçiriləcək dünya çempionatında iştirak etməyəcək.

"Report"un məlumatına görə, tibbi müayinədən sonra 23 yaşlı yarımmüdafiəçinin diz bağlarından xəsarət aldığı məlum olub.

"Aston Villa"da çıxış edən oyunçu "Sautgempton"u 1:0 hesabı ilə məğlub etdikləri İngiltərə Premyer Liqasının VIII tur matçında zədələnib.

Qeyd edək ki, DÇ-2022 noyabrın 20-dən dekabrın 18-dək təşkil olunacaq.