Fransa klubu Belçika millisinin üzvünü transfer edib

Fransa Liqa 1 təmsilçisi "Lill" Belçika millisinin futbolçusu Tomas Mönyeni sıralarına cəlb edib.

"Report" klubun mətbuat xidmətinə istinadən xəbər verir ki, 32 yaşlı müdafiəçi ilə 2 illik müqavilə bağlanıb.

O, ötən mövsümün ikinci yarısını Türkiyə Superliqası klubu "Trabzonspor"un heyətində keçirib.

T.Mönye Fransanın PSJ və Almaniyanın "Bourssiya" (Dortmund) kimi kollektivlərində çıxış edib.

Arxa xətt oyunçusu Belçika yığmasının heyətində meydana çıxdığı 66 oyunda 8 qol vurub.