"Fiorentina" "Milan"dan ayrılan futbolçunu transfer etdi

2019/2020 mövsümünün sonunda İtaliya "Milan"ından ayrılan Cakomo Bonaventura ölkənin digər komandası "Fiorentina"ya keçib.

"Report" xəbər verir ki, bu barədə klubun rəsmi saytı məlumat yayıb.

31 yaşlı yarımmüdafiəçi ilə 2 illik müqavilə imzalanıb.

Qeyd edək ki, 2014-cü ildən "Milan"da çıxış edən italiyalı futbolçu bu komandanın heyətində 184 oyun keçirib və 35 qol vurub.