FIFA Braziliya və Tunis komandaları arasında yoldaşlıq oyununda baş verən insidentlə bağlı araşdırmaya başlayıb.
"Report"un məlumatına görə, ali futbol qurumu irqçiliyin və zorakılığın istənilən formasını qəti şəkildə pislədiyini bildirib.
FIFA futbolda bu cür davranışları qəbul etmədiklərini diqqətə çatdırıb.
Qeyd edək ki, Braziliyanın 5:1 hesablı qələbəsi ilə başa çatan matçda "sambaçılar"ın hücumçusu Rişarlisona qarşı irqçilik edilib. Forvard 19-cu dəqiqədə komandasının ikinci qolunu vurandan sonra ona banan atılıb.