AFFA-nın içraçı vitse-prezidenti: "Fernandu Santuşun istefaya göndərilməsi məsələsi hazırda gündəmdə deyil"

Fernandu Santuşun istefaya göndərilməsi məsələsi hazırda gündəmdə deyil.

"Report"un məlumatına görə, bunu jurnalistlərə açıqlamasında AFFA-nın içraçı vitse-prezidenti Sərxan Hacıyev deyib.

O, Azərbaycan yığmasının baş məşqçisi Fernandu Santuşun komandadakı taleyi ilə bağlı danışıb:

"O, hazırda AFFA rəsmiləri ilə birlikdə İsveçrənin Sürix şəhərində DÇ-2026-nın seçmə mərhələsinin püşkatma mərasimindədir. İş başındadır və işini davam etdirir".