"Fənərbağça"nın yeni transferi icarə əsasında Rusiya klubuna keçib

Türkiyənin "Fənərbağça" kollektivinin müdafiəçisi Oqnen Mimoviç Rusiyanın "Zenit" klubuna keçib.

"Report" xəbər verir ki, bu barədə Sankt-Peterburq təmsilçisinin mətbuat xidməti məlumat yayıb.

O, icarə əsasında cari mövsümün sonuna qədər "Zenit"in şərəfini qoruyacaq.

Qeyd edək ki, 20 yaşlı serbiyalı futbolçu 2025-ci ilin əvvəlində "Fənərbağça" ilə 4 illik müqavilə imzalayıb.