"Fənərbağça" legionerinə yeni müqavilə təklif edəcək

Türkiyənin "Fənərbağça" klubu futbolçusu Duşan Tadiçin müqaviləsinin müddətini uzatmaq istəyir.

"Report" yerli mətbuata istinadən xəbər verir ki, İstanbul təmsilçisi 35 yaşlı yarımmüdafiəçiyə yeni sözləşmə təklif edəcək.

Serbiyalı oyunçu ilə yeni "1+1" illik anlaşma nəzərdə tutulur. Onun hazırkı müqaviləsinin müddəti 2025-ci ilin yayında başa çatacaq.

Qeyd edəki, D.Tadiç 2023-cü ildən "Fənərbağça"da çıxış edir.