Emin Mahmudov Azərbaycan millisində 7-ci qolunu vurub

"Neftçi"nin futbolçusu Emin Mahmudov Azərbaycan millisinin heyətində 7-ci qolunu vurub.

"Report"un məlumatına görə, 29 yaşlı yarımmüdafiəçi buna Bakıda Qətərə qarşı keçirilən yoldaşlıq matçında nail olub. Təcrübəli oyunçu görüşün 37-ci dəqiqəsində penaltidən fərqlənib.

Mahmudov qollardan 5-nə cari seçmə mərhələdə, 2-nə isə yoldaşlıq görüşlərində imza atıb.

Qeyd edək ki, ilk hissədən sonra oyunda hesab 1:1-dir.