Braziliyalı sabiq futbolçu: “Qurban Qurbanov nə edirsə, “Qarabağ” zəifləmək əvəzinə güclənir”

“Qarabağ”da baş məşqçi Qurban Qurbanov nə edirsə, komanda zəifləmək əvəzinə güclənir”.

Bunu “Report”a müsahibəsində “Qarabağ”ın keçmiş futbolçusu Reynaldo Silva braziliyalı Kadi Borgesin Rusiyanın “Krasnodar” klubuna transferi barədə danışarkən deyib.

34 yaşlı sabiq hücumçu hesab edir ki, həmyerlisinin gedişi Azərbaycan klubunu zəiflətməyəcək: “Nə qədər çətin olsa da, əminəm ki, Qurban Qurbanov bir yolunu tapıb bu boşluğu dolduracaq. Çünki indiyə qədər “Qarabağ”ı çox sayda aparıcı futbolçu tərk edib. Orada adlar yox, sistem əsas rol oynayır. Qazanılan pulla ən azı Kadi səviyyəsində oyunçu almaq olar”.

Reynaldo Silvanın müsahibəsinin tam versiyasını buradan oxuya bilərsiniz.