Braziliyalı futbolçu: "Qarabağ"a qarşı ideal oynamalıyıq"

"Hədəfimiz səfərdə yaxşı oyun göstərmək və mərhələni keçməkdir".

"Report"un məlumatına görə, bu fikirləri Kiprin AEL klubunun futbolçusu Euller Silva yerli mətbuata açıqlamasında Bakıda "Qarabağ"a qarşı keçirəcəkləri UEFA Konfrans Liqasının III təsnifat mərhəhələsinin cavab oyunu barədə danışarkən deyib.

Braziliyalı müdafiəçi əla komanda ilə qarşılşacaqlarını bildirib: "Pley-offa adlamaq üçün ilk dəqiqələrdən sonadək ideal oynamalıyıq. Hamımız bu görüşə nikbin baxırıq. Meydanda xeyli vuruşmalı olacağıq. Məqsədimiz qrup mərhələsinə vəsiqə qazanmaqdır. Buna nail olmaq üçün hər şeyi edəcəyik".

Qeyd edək ki, avqustun 12-də Tofiq Bəhramov adına Respublika stadionunda oynanılacaq "Qarabağ" - AEl matçı saat 20:00-da başlayacaq. Kiprdəki ilk oyunda qalib müəyyənləşməyib - 1:1.