Biləsuvarda 18 Oktyabr - Müstəqilliyin Bərpası Gününə həsr edilən futbol yarışına yekun vurulub

Biləsuvarda 18 Oktyabr - Müstəqilliyin Bərpası Gününə həsr edilən futbol yarışına yekun vurulub.

"Report"un Muğan bürosunun məlumatına görə, yarış Biləsuvar Şəhər Mərkəzi Stadionunda Rayon İcra Hakimiyyətinin, Rayon Gənclər və İdman İdarəsinin birgə təşkilatçılığı, Biləsuvar Regional Mədəniyyət İdarəsinin dəstəyi ilə baş tutub.

Oyundan əvvəl Dövlət Himni səsləndirilib və şəhidlərin xatirəsi bir dəqiqəlik sükutla yad edilib.

Turnirin sonunda Biləsuvar Olimpiya İdman Kompleksinin BOİK və Dərvişli kəndinin eyni adlı komandaları qarşılaşıb. Gərgin mübarizə şəraitində keçirilən oyun BOİK-in 4:1 hesabı ilə Dərvişli komandasına qalib gəlib.