“Barselona” ilə “Real”ın oyununda tarixi rekord qeydə alınıb

Dünən “Barselona”nın “Real” üzərində 4:3 hesablı qələbəsindən sonra son 18 “El Klasiko” matçında tərəflər arasında heç-heçə qeydə alınmayıb ki, bu da əzəli rəqabətdə ən uzun müddətdir. 

“Report” xəbər verir ki, bu barədə “Opta Sports” məlumat yayıb.

Statistika portalının məlumatına görə, 8 qarşılaşma “Barselona”nın xeyrinə başa çatıb ki, bu oyunlardan dördü cari mövsüm baş tutub. 10 qarşılaşma isə Madrid klubunun qələbəsi ilə bitib.

Xatırladaq ki, 35 turdan sonra “Barselona” 82 xalla İspaniya çempionatının lideridir. Madrid klubu eyni sayda oyundan sonra 75 xalla ikincidir.