"Barselona" dünya çempionunu heyətinə qatmaq istəyir

İspaniyanın "Barselona" klubu heyətini yeni futbolçu ilə gücləndirmək niyyətindədir.

"Report" "Fichajes" nəşrinə istinadən xəbər verir ki, Kataloniya təmsilçisi Səudiyyə Ərəbistanının "Əl-İttihad" komandasında çıxış edən Nqolo Kante ilə maraqlanır.

33 yaşlı yarımmüdafiəçinin maliyyə tələbləri çox olmasa, onunla müqavilə bağlana bilər.

Qeyd edək ki, Kante ötən mövsüm klub səviyyəsində meydana çıxdığı 44 oyunda 4 qol və 6 məhsuldar ötürmə ilə yadda qalıb. O, 2018-ci ildə Fransa millisi ilə dünya çempionu olub.