Azərbaycan Premyer Liqasında XXXV tura yekun vurulub

Bu gün futbol üzrə Azərbaycan Premyer Liqasında XXXV tura yekun vurulub.

"Report"un məlumatına görə, son oyun günündə "Qəbələ" doğma meydanda "Araz-Naxçıvan"la üz-üzə gəlib.

Qəbələ şəhər stadionunda baş tutan matçda meydan sahibləri qələbə qazanıb - 2:0. Qarşılaşmada hesabı 50-ci dəqiqədə Osama Xalayla açıb. 87-ci dəqiqədə isə Əyyub Alaş ikinci qolu qonaqların qapısından keçirərək görüşdə yekun hesabı müəyyənləşdirib.

"Qəbələ" 26 xalla turnir cədvəlinin sonuncu - onuncu pilləsində qərarlaşıb. Naxçıvan təmsilçisi 35 xalla doqquzuncudur.

Qeyd edək ki, turun digər görüşlərində "Qarabağ" "Turan Tovuz"a (4:3), "Sabah" "Sumqayıt"a (2:0), "Neftçi" "Səbail"ə (3:0), "Zirə" isə "Kəpəz"ə (1:0) qalib gəlib.