Azərbaycan Premyer Liqası: Bu gün daha iki görüş baş tutacaq

Misli Premyer Liqasının XVII turunda bu gün daha iki görüş baş tutacaq.

"Report" xəbər verir ki, əvvəlcə "Şamaxı" evdə "Qəbələ"ni qəbul edəcək.

Görüş Şamaxı şəhər stadionunda, saat 14:00-da start götürəcək.

Ayxan Abbasovun baş məşqçisi olduğu komada hazırda 20 xalla turnir cədvəlinin 8-ci pilləsində qərarlaşıb. 11-ci yerdə olan "Qəbələ"nin isə 8 xalı var.

Günün son görüşü "Azərsun Arena"da "Qarabağ"la "Kəpəz" arasında keçiriləcək. Matç saat 16:30-da start götürəcək.

Qurban Qurbanovun rəhbərlik etdiyi komanda 36 xalla turnir cədvəlində ikincidir. Onuncu olan "Kəpəz"in 9 xalı var.

Turun daha əvvəl baş tutan görüşlərində "İmişli" "Araz-Naxçıvan"la (2:2), "Neftçi" isə "Zirə" (0:0) ilə heç-heçə edib.

Qeyd edək ki, XVII tura yanvarın 25-də yekun vurulacaq.