Azərbaycan Premyer Liqasının X turunda “Araz-Naxçıvan” komandası səfərdə “Şamaxı”nı məğlub edib.
“Report” xəbər verir ki, Şamaxı şəhər stadionunda baş tutan qarşılaşma Elmar Baxşıyevin rəhbərlik etdiyi Naxçıvan təmsilçisinin 1:0 hesablı qələbəsi ilə yekunlaşıb.
Yeganə qolu 73-cü dəqiqədə Felipe Santos rəqib qapısından keçirib.
Qələbədən sonra xallarının sayını 20-yə çatdıran "Araz-Naxçıvan" turnir cədvəlində 2-ci yerə yüksəlib. 6-cı yerdə olan "Şamaxı"nın 12 xalı var.
Qeyd edək ki, X turda bu gün daha bir matç baş tutacaq. "Səbail" səfərdə "Neftçi"nin qonağı olacaq. Turun ötən gün keçirilən "Kəpəz" - "Qarabağ" görüşündə Ağdam təmsilçisi böyükhesablı qələbə qazanıb - 5:0.