Azərbaycan millisinin iki futbolçusu Avstriya ilə oyunda meydana çıxmayacaq

Azərbaycan millisinin iki futbolçusu AVRO-2024-ün seçmə mərhələsində bu gün Avstriya ilə evdə keçiriləcək matçın “23-lüy”ündən kənarda qalıb.

"Report"un məlumatına görə, baş məşqçi Canni De Byazi Türkiyənin "Tuzlaspor" klubundan müdafiəçi Bəxtiyar Həsənalızadə və “Səbail”dən Yusif Nəbiyevə ehtiyac duymayıb.

Adı çəkilən futbolçular qarşılaşmanı tribunadan izləməli olacaqlar.

Qeyd edək ki, Tofiq Bəhramov adına Respublika stadionunda reallaşacaq Azərbaycan - Avstriya görüşü bu gün, saat 20:00-da start götürəcək.