Azərbaycan millisində oynamış futbolçu FNL prezidentliyinə namizədliyini verib

Azərbaycan millisinin sabiq hücumçusu Şamil Laxiyalov Rusiya Milli Futbol Liqasının (FNL) prezidentliyinə namizədliyini irəli sürüb.

"Report" "Championat" nəşrinə istinadən xəbər verir ki, veteran forvard seçkilərdə 13 səs toplayıb. Bu isə ona FNL prezidenti olmaq üçün kifayət etməyib.

Sözügedən vəzifəyə 53 səslə Laxiyalovun yeganə rəqibi Nail İzmayılov seçilib.

Qeyd edək ki, Şamil Laxiyalov 1998-1999-cu illərdə Azərbaycan yığmasında və "Şəfa" klubunda Rəşid adı ilə çıxış edib.