"Ayaks"ın qapıçısı avtomobil qəzasına düşüb

Niderlandın "Ayaks" klubunun qapıçısı Andre Onana avtomobil qəzasına düşüb.

"Report"un "The Sun" nəşrinə istinadən məlumatına görə, hadisə 26 yaşlı kamerunlu qolkiper şəxsi maşını milli komandanın düşərgəsinə gedərkən baş verib.

Avtomobillərə ciddi ziyan dəyməsinə baxmayaraq, qəzada xəsarət alan olmayıb.

Qeyd edək ki, İspaniya "Barselona"sının yetirməsi olan Andre Onana 2015-ci ildən "Ayaks"da çıxış edib. Onun cari mövsümün sonunda İtaliya "İnter"inə keçəcəyi gözlənilir.

Onana ötən il dopinqə görə 1 illik diskvalifikasiya olunsa da, sonradan cəzası 9 aya endirilib.