Avropa Liqası: “Sabah” – “Sele” qarşılaşmasının biletləri satışa çıxarılıb

UEFA Avropa Liqasının I təsnifat mərhələsində baş tutacaq “Sabah” (Azərbaycan) – “Sele” (Sloveniya) qarşılaşmasının biletləri satışa çıxarılıb.

"Report" xəbər verir ki, matçı stadiondan canlı izləmək istəyən şəxslər biletləri onlayn şəkildə “iticket.az” saytından əldə edə bilərlər.

Bundan başqa, qarşıdakı günlərdə “Bank Respublika Arena”nın kassalarında və başqa satış məntəqələrində də bilet satışlarına başlanacaq.

Qeyd edək ki, “Sabah” – “Sele” matçı iyulun 10-da, saat 20:00-da “Bank Respublika Arena”da baş tutacaq.