Afrikalı hücumçunun "Qəbələ"dəki taleyinə aydınlıq gəldi

"Qəbələ"nin futbolçusu Ceyms Adeniyi yaxın günlərdə komandaya qoşulacaq.

Bu barədə "Report"a klubun baş meneceri Zaur Əzizov məlumat verib.

O bildirib ki, nigeriyalı hücumçu Azərbaycana qayıtsa da, komandada qalmayacaq: "Adeniyiyə ölkə xaricindən bir neçə təklif var. Hazırda onları dəyərləndiririk. Yüksək ödənişli oyunçu olduğundan, böyük ehtimalla, "Qəbələ"dən ayrılacaq".

Qeyd edək ki, 2018-ci ilin yayında "Qəbələ" ilə 3 illik müqavilə imzalamış Ceyms Adeniyi həmin mövsüm 31 oyuna 12 qol vurmuşdu. Afrikalı forvard 2019/2020 mövsümünü icarə əsasında İsrailin "Hapoel" (Kiryat-Şmona) klubunda keçirib.