AFFA “Kəpəz”in apellyasiya şikayətini təmin etməyib

AFFA-nın Apellyasiya Arbitraj Tribunalı “Kəpəz” klubunun apelyasiya şikayətini təmin etməyib.

“Report” Assosiasiyanın rəsmi saytına istinadən məlumat verir ki, İntizam Komitəsinin 23 sentyabr 2022-ci il tarixdə “Kəpəz” barəsində qəbul etdiyi 4000 manat məbləğində cərimə cəzası qüvvədə saxlanılıb.

Qeyd edək ki, “Kəpəz” azarkeşlərinə görə ziyana düşüb. Belə ki, Fanatlar Qəbələdə “Şamaxı” ilə görüşdə (2:1) hakimlərin ünvanına qeyri-etik və təhqiramiz ifadələr işlətdiyi üçün Gəncə təmsilçisi cərimələnmişdi.