22 yaşlı Avropa çempionu Premyer Liqa klublarının diqqət mərkəzinə düşüb

İngiltərə Premyer Liqa klubları İspaniya millisinin heyətində AVRO-2024-ün qalibi olmuş Niko Uilyamsı heyətlərinə qatmağı planlaşdırırlar.

“Report” "The Atletic"ə istinadən xəbər verir ki, “Atletik”in (Bilbao) 22 yaşlı hücumçusunu transfer etmək üçün “Liverpul”, “Arsenal”, “Çelsi” və “Tottenhem” klubları namizəddirlər.

Daha əvvəl onun adı “Barselona” ilə hallansa da, kataloniyalılar müəyyən səbəblərə görə futbolçunun keçidindən imtina ediblər.

Qeyd edək ki, N.Uilyams cari mövsüm “Atletik”in heyətində 18 görüşdə meydana çıxıb və 2 qol vurub.