Türkiyəli olimpiya çempionu: "Avropa Oyunlarında rekord qırmaq möhtəşəm nəticədir"

"Rekord qırmaq çox yaxşı, möhtəşəm nəticədir".

Bunu "Report"un Polşaya ezam olunmuş əməkdaşına açıqlamasında oxatma növündə Türkiyəni təmsil edən Mete Qazoz III Avropa Oyunlarında göstərdiyi nəticə ilə bağlı danışarkən deyib.

Tokio-2020 Yay Olimpiya Oyunlarının qalibi yarışa yaxşı start verdiyini bildirib: "Amma fərdi təsnifat davam edir. Bu səbəbdən daha sakit olmağa çalışacağam. Qızıl medal qazanmaq nə çətin, nə də asandır. Burada zəif idmançı yoxdur. Ümid edirəm ki, həftənin sonunda qızıl medal əldə edəcəyəm".