Rusiyalı nazir Azərbaycan idmançılarına öz peyvəndlərini təklif etdi

Rusiyalı nazir Azərbaycan idmançılarına öz peyvəndlərini təklif etdi Rusiya İdman Nazirliyi MDB ölkələrinin milli komandalarında çıxış edən idmançıların "Sputnik" peyvəndi ilə aşılanması variantını nəzərdən keçirməyə hazırdır
Fərdi
119
27 Fevral , 2021 15:51
Rusiyalı nazir Azərbaycan idmançılarına öz peyvəndlərini təklif etdi
Oleq Matıtsin

Rusiya İdman Nazirliyi MDB ölkələrinin milli komandalarında çıxış edən idmançıların yerli "Sputnik" peyvəndi ilə aşılanma variantını nəzərdən keçirməyə hazırdır.

"Report" "sport24.ru"ya istinadən xəbər verir ki, bu barədə idman naziri Oleq Matıtsin sözügedən ölkələrin Rusiyadakı səfirləri ilə görüşü zamanı deyib.

Nazir bildirib ki, bu, Tokio Yay Olimpiya Oyunlarının təhlükəsiz keçirilməsinə doğru addımdır: "Pandemiya, koronavirusun milli sərhədləri olmadığını açıq şəkildə nümayiş etdirdi. Hamı üçün bu çətin dövrdə idmanın birləşdirici rolu xüsusi əhəmiyyət kəsb edir. Hamımız böyük idman ailəsinin bir hissəsiyik. Buna görə də, prioritet olaraq, MDB-yə üzv ölkələrin milli komandalarının idmançılarının Rusiya peyvəndi ilə aşılanması imkanlarını nəzərdən keçirməyə hazırıq".

Qeyd edək ki, hələlik Azərbaycan idmançıları peyvənd olunmayıb.

Son xəbərlər

Orphus sistemi