Azərbaycanın olimpiya mükafatçısı dünya çempionatını medalsız başa vurub

Boks üzrə Azərbaycan millisinin üzvü Lorenzo Sotomayor Rusiyanın Yekaterinburq şəhərində keçirilən dünya çempionatında mübarizəni dayandırıb.

"Report"un məlumatına görə, 69 kq çəki dərəcəsində çıxış edən idmançı 1/16 finalda əlcəzairli Şemseddin Kramouya ilə üz-üzə gəlib. Qarşılaşma Sotomayorun 2:3 hesablı məğlubiyyəti ilə yekunlaşıb.

Qeyd edək ki, L.Sotomayor 2016-cı il Rio-de-Janeyro Yay Olimpiya Oyunlarının gümüş medalçısıdır.