Mərakeşdə qəzaya düşən portuqaliyalı motosikletçi ölüb

Mərakeşdə keçirilən ralli zamanı qəzaya düşən portuqaliyalı motosikletçi Jorje Brandau ölüb.

"Report"un "Mundo Deportivo"ya istinadən məlumatına görə, hadisə Erfud şəhəri ətrafında halqavarı trasda baş verib.

İdmançı rallinin sonuncu, V mərhələsində, finiş xəttinə iki kilometr qalmış qəzaya düşüb. O, tibbi helikopterlə tez bir zamanda xəstəxanaya çatdırılsa da, həyatını xilas etmək mümkün olmayıb.