"Formula 1" çempionu ölkəsində ilin idmançısı seçilib

Niderlandda ilin ən yaxşı idmançısı bəlli olub.

"Report" NOS telekanalına istinadən xəbər verir ki, bu ada "Formula 1" üzrə dünya çempionu olan “Red Bull” komandasının pilotu Maks Ferstappen layiq görülüb.

24 yaşlı sürücü səsvermədə velosiped idmanı üzrə ikiqat olimpiya çempionu Harri Lavreysen və Tokio-2020 Yay Olimpiya Oyunlarının BMX üzrə qalibi Nik Kimmannı üstələyib.

Qeyd edək ki, Maks Ferstappen karyerasında ilk dəfə dünya çempionu olub.