Azərbaycanın yaxt komandası ilk dəfə beynəlxalq yarışda iştirak edəcək

Azərbaycanın "Caspiana" yaxt komandası oktyabrın 22-də Türkiyədə start götürəcək Marmaris Reqatasında debüt edəcək.

Azərbaycan Yelkən Federasiyasından "Report"a verilən məlumata görə, yeni yaradılan klub ilk dəfə beynəlxalq yarışda mübarizə aparacaq.

"Caspiana" klubu turnirdə iki heyətlə çıxış edəcək.

Qeyd edək ki, Marmaris Reqatası oktyabrın 23-də başa çatacaq.