Azərbaycanın stolüstü tennisçisi təlim-məşq toplanışına yollanıb

Azərbaycan stolüstü tennisçisi Onur Quluzadə növbəti təlim-məşq toplanışına yollanıb.

"Report" Stolüstü Tennis Federasiyasının mətbuat xidmətinə istinadən xəbər verir ki, idmançı seçmə komandanın baş məşqçisi Mixail Timofeyevin rəhbərliyi altında Çində hazırlıq keçəcək.

Qeyd edək ki, bu gün Şanxay şəhərində yerləşən "China Table Tennis College" mərkəzində startı veriləcək toplanış yanvarın 19-da yekunlaşacaq.