Azərbaycanın gimnastika hakimləri qitələrarası kurslarda yüksək nəticə göstəriblər

Azərbaycan təmsilçiləri İsveçrənin Lozanna şəhərində Beynəlxalq Gimnastika Federasiyası tərəfindən keçirilən 2025-2028-ci illər Olimpiya dövrünü əhatə edən qitələrarası hakimlik kurslarında yüksək nəticə göstəriblər.

Bu barədə “Report”a gimnastika federasiyasının mətbuat xidmətindən məlumat verilib.

Kurslarda ölkəni akrobatika və idman gimnastikası üzrə hakimlər təmsil ediblər.

1. Əhməd Ağayev - kateqoriya 1 (idman gimnastikası)
2. Rza Əliyev - kateqoriya 2 (idman gimnastikası)
3. Durdanə Əhmədova - kateqoriya 3 (akrobatika gimnastikası)
4. ⁠Arif Feyziyev - kateqoriya 3 (parkur)

Qeyd edək ki, kurslar dekabrın 1-8-i aralığında baş tutub.