Azərbaycan üzgüçüsü 4-cü dəfə dünya çempionatının finalına vəsiqə qazanıb

Azərbaycan para-üzgüçüsü Roman Saley İngiltərənin Mançester şəhərində keçirilən dünya çempionatında 4-cü dəfə finala vəsiqə qazanıb.

“Report”un məlumatına görə, üçqat paralimpiya çempionu 100 metr məsafəyə sərbəst üzməkdə 53.60 saniyə nəticə göstərib.

Final yarışı bu gün, Bakı vaxtı ilə saat 21:51-də başlayacaq.

Qeyd edək ki, Roman Saley dünya çempionatında artıq 3 medal qazanıb. O, 100 metr məsafəyə arxasıüstə üzməkdə ikinci, eyni məsafədə butterflyay üsulu və 50 metr məsafəyə sərbəst üzməkdə üçüncü yeri tutub.