Azərbaycanın daha bir atleti Paris Yay Paralimpiya Oyunlarında iştirak edəcək

Azərbaycanın daha bir atleti Paris Yay Paralimpiya Oyunlarında iştirak edəcək.

"Report" Milli Paralimpiya Komitəsinin (MPK) mətbuat xidmətinə istinadən xəbər verir ki, paraatlet Rüfət Rəfiyev Paris-2024-də mübarizə aparacaq.

Yüksək idman nəticələri nəzərə alınaraq Dünya Atletika Federasiyası tərəfindən ona lisenziya verilib.

Bu, idmançının iştirak edəcəyi ikinci Paralimpiya Oyunları olacaq. R.Rəfiyev Rio-2016 Paralimpiadasında debüt edib.

Qeyd edək ki, Paris Yay Paralimpiya Oyunları avqustun 28-də start götürəcək.