Azərbaycan cüdoçuları İspaniyada təlim-məşq toplanışına qatılıblar

Azərbaycanın qadınlardan ibarət cüdo millisi İspaniyanın Malaqa şəhərində oktyabrın 14-dən 19-dək davam edəcək Avropa Cüdo Birliyinin təşkilatçılığı ilə keçirilən Olimpiya təlim-məşq toplanışına qatılıb.

"Report" xəbər verir ki, hazırlıq prosesində 7 idmançı çıxış edir.

Cüdoçulara qadınlardan ibarət yığma komandanın baş məşqçisi Rəşad Məmmədov rəhbərlik edir.

Təlim-məşq toplanışı noyabrın 15-dən 17-dək Polşanın Pila şəhərində keçiriləcək 23 yaşa qədər cüdoçular arasında Avropa çempionatına hazırlıq məqsədi daşıyır.