Azərbaycan cüdoçuları Avropa kubokunda 2 medal qazanıb

Bakı. 3 mart. REPORT.AZ/ Türkiyənin Antalya şəhərində yeniyetmə cüdoçular arasında Avropa kuboku yarışına start verilib.

"Report" Azərbaycan Cüdo Federasiyasına istinadən xəbər verir ki, beynəlxalq turnirin ilk günündə Azərbaycan cüdoçuları 2 medal qazanıblar.

Qızların yarışında Vüsalə Kərimova(44 kq) bütün rəqiblərinə qalib gələrək Avropa kubokunun qızıl medalına sahib olub. 48 kq çəki dərəcəsində mübarizə aparan Səbinə Əliyeva Antalya turnirinin bürünc medalına layiq görülüb.

Qeyd edək ki, Avropa kuboku yarışına martın 4-də yekun vurulacaq.