Azərbaycan atleti Balkan çempionatının qalibi oldu

Azərbaycanın qadın atleti Anna Skidan Serbiyanın paytaxtı Belqradda keçirilən Balkan çempionatında qızıl medal qazanıb.

"Report"un məlumatına görə, çəkicatma növündə çıxış edən 29 yaşlı ukraynalı legioner 71,18 metr nəticə göstərib.

Qeyd edək ki, Anna Skidan Tokio Yay Olimpiya Oyunlarında mübarizə aparacaq.