Avropa çempionatı: Azərbaycanın daha 3 cüdoçusu mübarizəyə qoşulacaq

Bu gün Azərbaycanın daha 3 cüdoçusu Xorvatiyanın paytaxtı Zaqrebdə davam edən Avropa çempionatında mübarizəyə qoşulacaq.

“Report” xəbər verir ki, yarışın son günündə 90 kq çəki dərəcəsində Murad Fətiyev və Elcan Hacıyev tatamı üzrinə çıxacaqlar.

Zelim Kotsoyev isə 100 kq çəkidə rəqiblərini üstələməyə çalışacaq.

Qeyd edək ki, yarışın ilk günündə Balabəy Ağayev (60 kq) gümüş medala sahib çıxıb. Növbəti gün Hidayət Heydərov (73 kq) qızıl medal qazanmaqla dördüncü dəfə Avropa çempionu olub.