Avropa çempionatı: Azərbaycanın beş cüdoçusu mübarizəyə başlayacaq

Azərbaycanın beş cüdoçusu bu gün Monteneqronun paytaxtı Podqoritsada start götürəcək Avropa çempionatında mübarizəyə qoşulacaq.

"Report"un məlumatına görə, ilk yarış günündə Əhməd Yusifov, Turan Bayramov (hər ikisi 60 kq), Ruslan Paşayev (66 kq), Könül Əliyeva (48 kq) və Gültac Məmmədəliyeva (52 kq) tatamiyə çıxacaqlar.

Görüşlər Bakı vaxtı ilə saat 12:30-da başlayacaq.

Qeyd edək ki, Avropa çempionatında Azərbaycanı 12 çəki dərəcəsində ümumilikdə 15 cüdoçu (9 kişi, 6 qadın) təmsil edəcək. Yığma həmçinin qarışıq komanda yarışında çıxış edəcək.