Ukrayna yanvarda Azərbaycandan 14 mln. dollarlıq neft alıb

Bakı. 7 fevral. REPORT.AZ/ Ukrayna bu ilin yanvar ayında 24,488 mln. ABŞ dolları dəyərində 53,99 min ton neft idxal edib.

“Report” “İnterfax-Ukraina” agentliyinə istinadən xəbər verir ki, ümumi vəsaitin 13,843 mln. dolları (56,5%) Azərbaycandan həyata keçirilən idxalın payına düşüb.

Ötən ay Ukrayna Qazaxıstandan 9,516 mln. dollar, Rumıniyadan 656 min dollar, digər ölkələrdən isə 474 min dollarlıq neft alıb.

Eyni zamanda, Ukrayna yanvarda 565,6 min ton neft məhsulları idxal edib. İdxal olunan neft məhsullarının dəyəri 281,8 mln. dollar təşkil edib. Ukrayna Belarusdan 124,4 mln. dollar, Rusiyadan 93,2 mln. dollar, Yunanıstandan 22,2 mln. dollar, digər ölkələrdən isə 42,1 mln. dollarlıq neft məhsulları alıb.